Duddenfálaldat dahje helpen

Oanehisát

Leat go du ovddasmorašbarggut maidda dárbbahivččet helpema? Suohkan sáhttá ovdamearkka dihte fállat helpema nugo ruovttuveahki, beaivefálaldaga dahje oanehit áigái orrunsaji buhcciidruovttus.

Válddahus

Leat go du ovddasmorašbarggut maidda dárbbahivččet helpema? Suohkan sáhttá ovdamearkka dihte fállat helpema nugo ruovttuveahki, beaivefálaldaga dahje oanehit áigái orrunsaji buhcciidruovttus. Helpen galgá addit dutnje áiggi normála friddjaáigái, vejolašvuođa máŧkkoštit luomus ja áiggi doalahit sosiála fierpmádaga.

Ulbmiljoavku

Son gii atná ovddasmorraša vuorasolbmuide, doaimmashehttejuvvomiidda dahje earáide geat dárbbašit divššu.

Kritearrat

Dus galgá leat erenoamáš losses ovddasmorašbargu. Ákkat maid galgá vuhtii váldit leat ee. :

• Jus don barggat olu diimmuid mánnosaččat ovddasmorašbargguin
• Jus ovddasmorašbargu lea losit juogo fysalaččat dahje psyhkalaččat go dábálaččat
• Jus ovddasmorašbargu mielddisbuktá olu idjabarggu dahje šattat dávjá ihkku lihkkat.

Bálvalusa haddi

Bálvalus lea nuvttá.

Searvai brošyrat, duokumeanttat, kártat ja sullasaččat

• Hjelpetilbud i kommunen Lenke til et annet nettsted, åpnes i nytt vindu.
• Pasient og tolk. En brosjyre om tolk i helsetjenesten Lenke til et annet nettsted, åpnes i nytt vindu.

Njuolggadusat

Lágat

• Forvaltningsloven Lenke til et annet nettsted, åpnes i nytt vindu.
• Helse- og omsorgstjenesteloven Lenke til et annet nettsted, åpnes i nytt vindu.
• Pasient- og brukerrettighetsloven Lenke til et annet nettsted, åpnes i nytt vindu.

Láhkaásahusat

• Kvalitetsforskrift for pleie- og omsorgstjenestene Lenke til et annet nettsted, åpnes i nytt vindu.

Praktihkalaš dieđut

Rávvagat - mo oažžut dahje váldit vuostá bálvalusa

Sáhtát váldit oktavuođa suohkaniin oažžun dihte veahki ohcat helpema. Sihke son guhte addá ovddasmorraša ja maiddái son guhte dárbbaša veahki ieš, sáhttá ohcat helpema.

Ášši meannudeapmi

Suohkan viežžá dárbbašlaš dieđuid vai sáhttá meannudit ášši. Dasto mearriduvvo ášši. Dábálaččat oaččut maid ákkastallama mearrádusa mielde. Oaččut álo ákkastallama jus sáhttá jurddahit ahte it šatta duhtavaš mearrádusain. Jus ákkastallan ii čuovo mearrádusreivve, de sáhtát oažžut dan go válddát oktavuođa suohkaniin váidináigemeari siskkobealde.

Meannudeamiaigi

Suohkan galgá meannudit áššu nu jođánit go vejolaš. Jus eai sáhte meannudit ášši mánu sisa, de galggat oažžut čálalaš dieđu das manin meannudeapmi lea maŋŋánan. Galggat maid oažžut dieđu goas sáhtát vuordit ahte du ášši mearriduvvo.

Nuppenváidahanvuoigatvuohta

Jus leat duhtatmeahttun mearrádusain, de sáhtát váidit suohkanii áigemeari siskkobealde mii lea golbma vahku dan rájes go ožžot mearrádusreivve. Sihke fuolaheaddji ja son guhte dárbbaša divššu, sáhttá váidit mearrádusa. Čilge mainna leat duhtatmeahttun ja manne oaivvildat ahte mearrádusa ferte rievdadit. Jus dárbbahat bagadallama, de váldde oktavuođa suohkaniin. Jus suohkan doalaha mearrádusas, de sáddejuvvo ášši viidáset Fylkkamánnii, guhte mearrida galgá go váidda váldojuvvot vuhtii.

2020 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 04.05.2020